يمكن أكبر كذبة اتباعت لينا في الـ Product Management
By Mahmoud Abd Elsalheen, Technical Product Owner & Business Analyst
يمكن أكبر كذبة اتباعت لينا في الـ Product Management
هي ان الـ Product الناجح لازم يفضل يتطور 👏
مش شرط، و أوقات أحسن Feature ممكن تنزلها الـQuarter الجاي هي ولا حاجة 😂
آه والله
لان واضح إن عندنا أزمة نفسية جماعية مع فكرة إن الـRoadmap تبقى هادية
تخيل تتسأل عن Features ايه اللي هنطلع بيها الـ Quarter الجي
فترد بصراحة، ان مفيش Major Features
الـ Users مبسوطين
الـ Core Journey شغالة كويس
وهنركز على Performance وReliability و تبسيط شوية حاجات
غالبا هيتبصلك بصة غريبة
معناها انك فقدت الـ Product Sense او انك تعبان و محتاج أجازة 😂
فتبدأ تتشقلب بسرعة علشان لازم حاجة تتعمل
اعمل Feature جديدة
او Redesign
اعمل Dashboard
و صمم كده New Workflow
و زرار كان تحت نخليه فوق 😅
فعلشان نحس إن فيه Innovation 😂
إحنا ساعات بنخلط بين الـ Product Progress و الـ Product Movement
مش كل حاجة اتحركت لقدام، أحيانا إحنا بس حركنا العفش 😂
والحقيقة إن الـ Product Team عندها Incentive غريب جدا إنها تفضل تزود
فتقريبا كل الـ Teams بتحارب علشان تعمل اي جديد او تستخدم حاجة أحدث
لكن تقريبا محدش بياخد Promotion علشان قال
كان عندنا 7 Features مقترحة، ومنعت 6 منهم من إنهم يدخلوا المنتج 😂
مع إن ده أحيانا يكون أحسن Product Decision اتاخد السنة كلها
لأن الـ Feature مش بتخلص يوم الـ Release
الـFeature بعد ما تنزل
بتاخد مكان في الـUI وتدخل Regression Testing
و تحتاج Support و Onboarding
و تدخل في Analytics
و تحتاج Maintenance
وبعد سنتين تكتشف إن محدش فاكر مين طلبها أصلا
لكن حذفها محتاج شوية Approvals و Impact analysis و كذا ميتنج ورا بعض
لان الـ Feature باختصار مش Guest
دي بتدخل تسكن عندك وبتجيب عيلتها
وعشان كده يمكن من أهم المهارات اللي إحنا مش بنتكلم عنها كفاية في الـProduct:
مش بس تعرف هنبني ايه قدام
لكن تعرف إمتى تقول Nothing
إمتى تصلح بدل ما تضيف و إمتى تبسط بدل ما توسع
و إمتى تحذف بدل ما تبني
وإمتى تحمي منتج شغال كويس حتي من نفسك 😂
لأن فيه منتجات كتير بدأت بسيطة جدا
كانت بتحل Problem واضحة جدا
و بعدين فضلنا نحسن و نضيف و نوسع و نطور
لحد ما الـ User بقى محتاج Tutorial علشان يعمل الحاجة اللي كان بيعملها زمان في خطوتين
وبعدها نعمل Feature جديدة علشان نصلح التعقيد اللي إحنا عملناه
أنا مش ضد الـ Innovation طبعا
ولا بقول إن المنتجات تقف عن التطور
لكن عندي مشكلة مع اعتقاد
ان كل مزودنا Features اكتر كل مكان فيه Value اكتر
أحيانا Feature جديدة بتزود Complexity
و الـ Complexity تزود Friction
والـ Friction تقلل Adoption
فيمكن الـ Product Maturity الحقيقية مش إنك تعرف تبني أكتر
يمكن إنك تعرف ايه اللي متبنيهوش أصلا 😅
و انك تبقي واثق كفاية لما تشوف ان المنتج دلوقتي مش محتاج Feature جديدة 🙄
لكن محتاج يبقى أبسط و أسرع و أقل دوشة 😇
#Agile #ProductManagement #ProductOwner #Lean #ProcessImprovement #Leadership #BusinessTransformation #SoftwareDevelopment #Stakeholder #BusinessAnalysis #Scrum #Workflow #StakeholderManagement #ChangeManagement #SDLC #Delivery #Roadmap #ProjectManagement #Teamwork
Discussion on LinkedIn
- Mohammed EsmailSep 6, 2026
هو مش المفروض اننا نعمل user research مع كل feature جديدة برده ولا ايه
- Abdalla MohamedSep 6, 2026
الحقيقة إن أصعب قرار في Product Management ليس إضافة ميزة جديدة بس منع إضافة ميزات ما تحتاجها الشركات بتخاف من الصمت والبساطة فبتضيف وبتضيف لكن المنتج اللي بيقول لا في الوقت المناسب هو اللي بيبقى شايف النهاية
الكل بيقدر يركب Feature لكن قليل اللي بيقدر يقول دي ما تساعد المستخدم يصل لهدفه - Ahmad AbdelhadiSep 6, 2026
الخلط بين Product Progress و Movement هو بالفعل المطب الأكبر الذي توقع فيه الفرق نفسها نتيجة 'الأزمة النفسية' مع الهدوء. أحياناً يكون أعظم إنجاز للمنتج هو الاستقرار، تحسين الـ Performance، وتركيز القيمة بدلاً من الإضافات العشوائية لإرضاء مؤشرات وهمية. طرح يلامس الواقع الفني بدقة
- Mona El-ShazlySep 6, 2026
لما تضيف سمة أو feature جديدة للمنتج لازم تكون دارس أيه القيمة اللي هتقدمها للمستهلك وهل هيتقبلها ولا لا عشان كده في شركات بتنزل كمية محدودة من المنتج الأول وتشوف أيه رد الفعل عليه
- Youssef HouifirSep 8, 2026
في مؤتمر Apple للماك عام 1997، عبّر جوبز عن فلسفة التركيز قائلاً:
"يعتقد الناس أن التركيز يعني أن تقول نعم للشيء الذي يجب أن تركز عليه. لكن هذا ليس المعنى على الإطلاق! التركيز يعني أن تقول لا لمئات الأفكار الجيدة الأخرى الموجودة. عليك أن تختار بعناية." - amr radwanSep 6, 2026
👏👏👏👏👏
